打尖忍者學堂有敲無類！一連三集網上節目邀請到三大忍者，包括忍忍冬龍冬龍冬冬、忍忍池卡池CARD凍同埋忍忍Do Me So Do’，為大家逐一揭開中國敲擊樂、巴西巡遊鼓同埋鋼片琴嘅神秘面紗，佢哋仲會教你點樣喺屋企善用廚具，自製呢三樣敲擊樂器。三大忍者親身示範同埋教大家用簡單又容易上口嘅口訣，合唱忍者們精心創作嘅打尖忍者學堂校歌，包你一秒上手。喺屋企都可以一齊笑住唱、笑住打！
|
每集約3分鐘 |
|
粵語演出 |
|
最適合4歲或以上觀眾 |
第一堂 : 中國鼓
打尖王去到打尖忍者學堂，終於學識第一個暗號！原來呢個暗號來自中國鼓口訣，想知多啲就一齊睇下忍者「忍忍冬龍冬龍冬冬」嘅介紹啦！
於5月17日上線
第二堂：巴西巡遊鼓樂
弊家伙，成個地球嘅發夢指數暴跌！打尖王同忍者「忍忍池卡池CARD凍」密密練習巴西巡遊鼓樂，捍衛大家嘅美夢。小朋友，你都一齊練習啦！
於5月24日上線
第三堂：鋼片琴
忍者「忍忍Do Me So Do’」粉墨登場，教大家用廚具製作廚鋼片琴！同時三位忍者發現發夢指數危危乎，立即啟動「救兵機制」！小朋友，你願唔願意同佢哋一齊展開拯救地球嘅敲擊之旅？
於5月31日上線